Сұлулыққа ұмтыламын деп денсаулыққа қауіп төндіріп алмау өте маңызды. Күнделікті қолданып жүрген косметикалық бұйымдарыңыздың құрамында ағзаға тікелей зиян келтіретін мынадай қоспалар жасырынуы мүмкін:
Парабендер: Бактерия мен зеңге қарсы консервант ретінде танымал. Алайда олар ағзадағы гормондық теңгерімді бұзып қана қоймай, терінің ерте қартаю процесін тездетеді.
Формальдегид: Шаш күтіміне арналған өнімдерде жиі кездесетін, өткір иісті түссіз газ. Ол қатерлі ісік тудыруы ықтимал канцерогендер қатарына ресми түрде енгізілген, сондай-ақ теріні қатты тітіркендіреді.
Синтетикалық иістендіргіштер: Душқа арналған гель немесе кремге құлпынай мен шоколад иісін беретін күрделі химиялық қоспалар. Олардың белсенді компоненттері бас ауруын, мигрень мен түрлі аллергиялық реакцияларды қоздыруы бек мүмкін.
Силикондар (силоксандар): Қоршаған ортаға тигізер зияны орасан зор. Ал теріге жағылған жағдайда майда тесіктерді бітеп, жасушалардың еркін тыныс алуына кедергі келтіреді.
Этаноламиндер (DEA): Көпіргіш қасиеті бар және кілегейлі косметикаға қосылатын синтетикалық аммиак туындылары. Теріні тітіркендіріп, жайсыздық тудыратын басты себепкерлердің бірі.
Фталаттар: Өнімнің иісін ұзақ сақтап, созылмалы қасиетін арттырады (көбіне "парфюм" немесе "аромат" сөзінің артында жасырылады). Бұл заттар әсіресе ер адамдар үшін өте қауіпті: қуықасты безінің жұмысын бұзып, ұрпақ өрбіту қызметіне кері әсер етеді.
Пропиленгликоль (PEG): Ылғалдандырғыш қызметін атқаратын мұнай өнімі. Өндіріс тәсіліне қарай оның құрамында жүйке жүйесіне аса қауіпті диоксан немесе этилен оксиді кездесуі мүмкін. Сезімтал теріні бірден тітіркендіреді.
